काठमाडौँ । वनभोजका लागि बर्दियाबाट दाङ आउँदै गरेको बस दाङको तुलसीपुरमा दुर्घटना हुँदा २० जना घाइते भएका छन् ।
राप्ती राजमार्गको अमेलिया –तुलसीपुर सडक खण्डमा पर्ने तुलसीपुर–१३ दमारगाउँमा आइतबार बिहान पौने आठ बजे भे १ ख २०४१ नम्बरको बस दुर्घटनामा परेको जिल्ला प्रहरी कार्यालय दाङका एसपी रामबहादुर केसीले जानकारी दिएका छन् ।
घाइतेलाई घटनास्थलबाट उद्धार गरेर तुलसीपुर प्रादेशिक अस्पताल लैजाने काम भइरहेको र घाइते सबै खतरामुक्त रहेको उनले वताएका छन् ।
