काठमाडौं । नेकपा एमालेका अध्यक्ष केपी शर्मा ओलीले नयाँ भनिएका पार्टीहरुले देश हाक्न नसक्ने बताएका छन् । बिहीबार पार्टी कार्यालय च्यासलमा बाराका नेता शिवचन्द्र कुशवाहलाई एमाले प्रवेश गराउँदै ओलीले नयाँ भनिएका पार्टीहरुसंग देशलाई हाक्न सक्ने कुनै सोच र योजना नरहेको बताएका हुन ।
उनले नयाँ पार्टीहरुसंग सहि ढंगले उम्मेदवार चयन गर्न सक्ने क्षमता समेत नरहेको टिप्पणी गरेका छन् । पुराना भन्ने पार्टीहरुले पनि केहि गर्न नसकेको उनले बताए । कांग्रेस पार्टी थोत्रो भएको र ८७ सीट हुँदा पनि ३२ सिटको पछाडी हिडेको बताएका छन् ।
अध्यक्ष ओलीले कांग्रेसको पछाडी लाग्ने भनाई माधव नेपाललाई सुहाएपनि कांग्रेसलाई भने माओवादीको पछाडी हिड्न नसुहाउने धारणा राखेका छन् । अध्यक्ष नेपालले माओवादीका नेता कार्यकर्ताहरुले पनि आफुसंगको भेटमा पिडा पोख्ने गरेको बताएका छन् ।
माओवादीमा छोरी ज्वाइँ, भाइ भतिजा भान्जा सप्रे पनि तमाम माओवादी कार्यकर्ता तड्पीन बाध्य भएको उनको छ । उनले गरिवी निवारण गर्न सक्ने, सामाजिक समानता कायम गर्न सक्ने पार्टी एमाले बाहेक अरु कुनै नरहेको दावी गरेका छन् ।
एमालेको सुखी नेपाली समृद्ध नेपाललाई अन्य दलले बोल्न पनि नसकेको उनले बताएका छन् ।
त्यस्तै एमाले प्रवेश गर्दै कुशवाहले सहि कार्यदिशा र कार्यनीति नभएका कारण जनयुद्ध लडेका माओवादीहरु, एमालेबाट गएका माओवादीहरु एमालेतर्फ फर्कन थालेको बताएका छन् । उनले पाको पार्टी एमालेलाई बलियो बनाउनुपर्ने धारणा राखेका छन् । एमालेबाटै समृद्धिको सपना साकार हुने उनको भनाइ छ ।
माओवादी केन्द्र छाडेर जनमत पार्टीमा पुगेका कुशवाह बारा २ मा उम्मेदवार बनेका थिए ।
७ मंसिर २०८१, शुक्रबार | Fri Nov 22 2024
