पोखरा एयरपोर्टको सञ्चार उपकरणमा समस्या, यति र श्री एयरलाइन्स अवतरण नगरी काठमाडौं फिर्ता

काठमाडौं । पोखरा अन्तर्राष्ट्रिय विमानस्थलको सञ्चार उपकरणमा समस्या आएपछि काठमाडौंबाट पोखरा पुगेका यती एयरलाइन्स र श्री एयरलाइन्सका विमान अवतरण नगरी काठमाडौं फर्किएका छन् ।
त्रिभुवन विमानस्थलका प्रवक्ता सुवास झाले पोखराको विमानस्थलको टावरमा पाइलटको सम्पर्क हुन नसकेपछि यति र श्री एयरका जहाज काठमाडौँ फिर्ता आएको जानकारी दिएका छन् ।
पोखरा विमानस्थलले केही समय सञ्चार उपकरणमा समस्या आए पनि अहिले समाधान भइसकेको पोखरा विमानस्थलकी प्रवक्ता जशोना रेग्मीले बताएकी छिन् ।