पुलबाट बस खस्दा १४ जना घाइते

काठमाडौँ । दाङमा बस दुर्घटना हुँदा १४ जना यात्रु घाइते भएको प्रहरीले जनाएको छ । जिल्ला प्रहरी कार्यालय दाङका अनुसार सोमबार बिहान ५ बजे पोखराबाट सुर्खेत जाँदै गरेको ग १ ख ८४८५ नम्बरको बस दुर्घटनामा परेको हो ।
पूर्व–पश्चिम राजमार्गमा पर्ने लमही नगरपालिका ४ बनगाउँस्थित बबई सोता पुलबाट बस करिव ३० फिट तल खसेको बताइएको छ ।
१६ यात्रु सवार बस दुर्घटनामा घाइते भएका १४ जनामध्ये केहीलाई बढी चोट लागेको छ । दुई जना भने सकुशल रहेको बताइएको छ ।
घाइतेहरुको लमहीमा उपचार भइरहेको प्रहरीले जनाएको छ।