काठमाडौँ । नेकपा एमालेले संविधान दिवसका अवसरमा राष्ट्रिय झण्डासँग सेल्फी कार्यक्रमको आयोजना गरेको छ ।
काठमाडौँ नक्सालको नारायण चौरमा आन एमालेले राष्ट्रिय झण्डासँग सेल्फी कार्यक्रम गरेको हो ।
कार्यक्रममा एमाले अध्यक्ष केपी शर्मा ओली लगायतका नेताहरूले राष्ट्रिय झण्डासँग सेल्फी खिचाएका छन । नारायण चौरमा सेल्फी खिचाउने युवायुवतीको भिड थियो ।
एमाले अध्यक्ष ओलीले सोमबार नै एक भिडिओ सन्देशमार्फत राष्ट्रिय झण्डासँग सेल्फी कार्यक्रमको बारेमा जानकारी दिएका थिए ।
नारायण चौर क्षेत्रमा वरिपरि नेपालको झण्डा गाडिनुका साथै, ठूलो आकारमा नेपालको चुच्चे नक्सा पनि राखिएको छ । साथै त्यहाँ राष्ट्रिय दिवस, हाम्रो लोकतन्त्र, हाम्रो गणतन्त्र, हाम्रो संविधान लेखिएका बोर्डहरू राखिएका छन् ।
