गुडिरहेको जिपमाथि पहिरो खस्दा ३ जनाको मृत्यु

पाल्पा । जोर्तेमा सुख्खा पहिरोले स्कार्पियो पुरिंदा एक महिलासहित तीन जनाको घटनास्थलमै मृत्यु भएको छ ।
तम्घासबाट बुटवलका लागि छुटेको लु १ ज ४६०० नम्बरको स्कार्पियो जिपमाथि आज बिहान ढुंगासहितको पहिरो खसेको थियो ।
जिल्ला प्रहरी कार्यालय पाल्पाका अनुसार दुर्घटनामा आठ जना घाइते भएका छन् । उनीहरुलाई उद्धार गरी अस्पताल पठाइएको छ ।
उक्त जिपमा केही बालबालिकासमेत रहेको प्रहरी जनाएको छ । मृत्यु हुनेको सनाखत हुन बाँकी छ भने दुर्घटनाबारे पूर्ण विवरण आउँन बाँकी रहेको प्रहरीले जनाएको छ ।