काठमाडौं । चार देश सम्मिलित महिला टी-२० आई सिरिजअन्तर्गत आज भएको पहिलो खेलमा नेपालले हङकङलाई पराजित गर्दै प्रतियोगितामा सुखद सुरुवात गरेको छ ।
मलेसियाको वायुमास ओभल क्रिकेट मैदानमा भएको खेलमा नेपालले हङकङलाई छ विकेटले पराजित गरेको हो । जितका लागि ८५ रनको लक्ष्य पछ्याएको नेपालले १५ दशमलव पाँच ओभरमा चार विकेट गुमाउँदै पूरा गर्यो ।
प्रतियोगितामा आयोजक मलेसियासहित नेपाल, हङकङ र कुवेत छन् । यही अगस्ट ३१ तरिखदेखि ९ सेप्टेम्बरसम्म मलेसियामै हुने आइसिसी महिला टी-२० विश्वकप एसिया क्वालिफायरको तयारीस्वरुप चारदेशीय टी-२० सिरिज सञ्चालन भएको हो । नेपालले आफ्नो दोस्रो खेल भोलि कुवेतसँग खेल्नेछ ।
