कांग्रेस बैठकको चौथो दिनको वैठक शुरु, बाँकी सदस्यले धारणा राख्दै (लाइभ)

काठमाडौं । नेपाली कांग्रेसको केन्द्रीय समिति बैठकको आज चौथो दिन ११ बजेबाट सानेपास्थित पार्टी कार्यालयमा शुरु भएको छ । मंगलबारदेखि जारी बैठकमा केन्द्रीय सदस्यहरूले आफ्नो धारणा राखिरहेका छन् ।
बिहीबार ३५ जना केन्द्रीय सदस्यहरूले बोलेका थिए । आज बाँकी सदस्यहरूले क्रमशः आफ्ना कुरा राख्ने कांग्रेसले जनाएको छ ।
एक वर्षपछि राखिएको केन्द्रीय समिति बैठकमा कांग्रेस नेताबीच गरमागरम बहस भइरहेको छ । अधिकांशले पार्टी संरचनालाई चुस्त बनाउनुपर्ने नेतृत्वलाई सुझाव दिएका छन् ।