काठमाडौं । पानी परेपछि पुनः एसिसी प्रिमियर कप क्रिकेटअन्तर्गतको नेपाल र कुवेतबीचको सेमिफाइनल खेल वर्षाका कारण अवरुद्ध भएको छ ।
त्रिवि क्रिकेट मैदान कीर्तिपुरमा जारी खेल यसअघि पनि पानी परे पछि रोकिन पुगेको थियो, जसका कारण खेललाई ४२ ओभरमा छोट्याइएको थियो ।
नेपालले दिएको २ सय ८२ रनको विशाल लक्ष्य पछ्याईएको कुवेतले ८ दशमलब ३ ओभरमा ६ विकेट गुमाएर ३७ रन मात्रै बनाएको बखतमा पुनः रोकिन पुगेको हो ।
नेपालका करण केसीले ५ विकेट तथा सोमपाल कामीले एक विकेट लिईसकेका थिए । खेल सुरु हुने वा नहुने अझै टुंगो छैन । खेल सुरु नभएको खण्डमा नेपाल स्वतः बिजयी हुनेछ ।
