काठमाडौं । नेकपा एमालेका अध्यक्ष केपी शर्मा ओलीले विश्वकप छनोटमा स्थान पक्का बनाउने नेपाली टिमलाई बधाई दिएका छन् ।
बिहीबार सामाजिक सञ्जाल ट्वीटरमार्फत उनले नेपाली टिमलाई बधाई दिएका हुन्। उनले बधाईसँगै नेपाल र नेपाली गौरवान्वित भएको उल्लेख गरेका छन् ।
ट्वीटमा ओलीले भनेका छन्, ‘युएईविरुद्धको खेलमा ऐतिहासिक जित निकालेर विश्वकप छनोटमा स्थान पक्का गरेकोमा नेपाली क्रिकेट टिमलाई हार्दिक बधाई ! हामी गौरवान्वित छौँ, नेपाल गौरवान्वित छ ।’
