काठमाडौं । विराटनगर सुपर किङ्ग्सले बुधबार नेपाल टी २० लिगमा फार वेस्टर्न युनाइटेडलाई ६ विकेटले पराजित गरेको छ ।
त्रिवि क्रिकेट मैदानमा टस जितेर ब्याटिङ थालेको फार वेस्टले ९ विकेटको क्षतिमा एक सय ५६ रनको योगफल बनाएको थियो ।
जवाफी ब्याटिङमा उत्रिएको विराटनगरले निर्धारित २० ओभरमा तीन बल बाँकी रहँदा लक्ष्य पूरा गर्यो ।
जितसँगै विराटगनर सुपर किङ्ग्सले आठ खेलबाट ६ अंक जोडेर अंक तालिकाको पाँचौं स्थानमा उक्लिएको छ । पराजित फार वेस्ट सात खेलमा एक खेल मात्र जितेर तालिकाको पुछारमा छ । फार वेस्टको प्ले अफमा पुग्ने गणितीय सम्भावना मात्र कायम छ ।
