काठमाडौं । लुम्बिनी अल स्टार्सले नेपाल टी २० लिगमा मंगलबार जनकपुर रोयल्सलाई पाँच रनले पराजित गरेको छ ।
त्रिवि क्रिकेट मैदानमा टस जितेर ब्याटिङ थालेको लुम्बिनीले ६ विकेट गुमाएर एक सय ७८ रनको योगफल तयार गरेको थियो । जवाफी ब्याटिङमा उत्रिएको जनकपुरले पाँच विकेटको क्षतिमा एक सय ७३ रन मात्रै बनाउन सक्यो ।
जितसँगै आठ खेलपछि लुम्बिनीको १४ तथा जनकपुरको १० अंक छ । लुम्बिनी प्लेअफमा पुगिसकेको छ भने जनकपुर पनि नजिक छ ।
