काठमाडौं । जनकपुर रोयल्सले शनिबार नेपाल टी २० लिगमा विराटनगर सुपर किङ्ग्सलाई ४९ रनले पराजित गरेको छ । त्रिवि क्रिकेट मैदानमा टस हारेर ब्याटिङ थालेको जनकपुरले पाँच विकेटको क्षतिमा एक सय ८९ रनको योगफल तयार गरेको थियो ।
जवाफी ब्याटिङमा उत्रिएको विराटनगरले २० ओभरमा सात विकेट गुमाएर एक सय ४० रन मात्रै बनाउन सक्यो ।
जितसँगै जनकपुर पाँच खेलबाट आठ अंक जोडेर तालिकाको दोस्रो स्थानमा छ । पाँच खेलमा चार अंक जोडेको विराटनगर चौथो स्थानमा छ ।
