भारतीय नागरिकमाथि गोली प्रहार

रुपन्देही । कपिलवस्तुमा भारतीय नागरिकमाथि गोली प्रहार भएको छ । मायादेवी गाउँपालिका ४ चाकरचौडामा भारत सिद्धार्थनगर जिल्लाको अलिगढवाका ३५ वर्षीय ईरशाद खान माथि दुई गोली प्रहार भएको प्रहरीले जनाएको छ ।
चाकरचौडा बजारको एक होटलमा रहेका खानको काँध र कम्मरमा गोली लागेको बताइएको छ । घाइते खानलाई उपचारका लागि गोरखपुर मेडिकल कलेज पु¥याइएको बताइएको छ ।
भारतीय प्रहरीसँगको समन्वयमा गोली हान्ने व्यक्तिको खोजी र अनुसन्धान अगाडि बढाइएको जिल्ला प्रहरी कार्यालय कपिलवस्तुले जनाएको छ ।