दाङमा एउटै खाडलमा पुरिएको अवस्थामा किशोर-किशोरीको शव फेला

दाङ । दाङमा एउटै खाडलमा पुरिएको अवस्थामा किशोर-किशोरीको शव फेला परेको छ ।

तुलसीपुर उपमहानगरपालिका-१३ दमार गाउँको जंगलमा सोही ठाउँका १४ वर्षीय शरद आचार्य र १५ वर्षकी रोशनी महतराको शव फेला परेको जिल्ला प्रहरी कार्यालय दाङले जनाएको छ ।

दाङका डीएसपी राजनकुमार गौतमका अनुसार उनीहरु तीन दिनअघि (असोज २७ गते) साँझ घरबाट हराएका थिए । उनीहरूको शव आइतबार जंगलमा गाडिएको अवस्थामा फेला परेको हो ।

घटना शंकास्पद भएको अनुसन्धान थालिएको प्रहरीले जनाएको छ ।