काठमाडौं । नेपालमा गत २४ घण्टामा २७५ जना कोरोना भाइरसका संक्रमित थपिएका छन् भने एकजनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पाँच हजार ४५२ जनाको पीसीआर परीक्षण गर्दा १५८ जना र तीन हजार १७६ जनाको एन्टिजेन परीक्षण गर्दा ११७ जना गरी २७५ जना संक्रमित थपिएका हुन् ।
हाल देशभर ९ हजार २८० जना कोरोनाको सक्रिय संक्रमित रहेका छन् । शुक्रबारमात्रै ५५५ जना कोरोनाबाट संक्रमणमुक्त भएको मन्त्रालयले जनाएको छ ।
