काठमाडौं । नेपालमा दैनिक कोरोना संक्रमण दर घट्दै गएको छ । पछिल्लो २४ घण्टामा कोरोना संक्रमितको संख्या घटेर एक हजारभन्दा तल झरेको छ ।
स्वास्थ्य तथा जनसंख्या मन्त्रालयका अनुसार पीसीआर र एन्टिजेन परीक्षणबाट पछिल्लो २४ घण्टामा जम्मा ८३६ संक्रमित थपिएका छन् ।
चार हजार २६० पीसीआर परीक्षणमा ४९१ जना र दुई हजार ३९४ एन्टिजेन परीक्षणमा ३४५ जना गरी ८३६ जना संक्रमित थपिएका हुन् ।
मन्त्रालयका अनुसार पछिल्लो २४ घण्टामा कोरोना संक्रमणका कारण चारजनाले ज्यान गुमाएका छन् । त्यस्तै एक हजार ८२६ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या २६ हजार १०२ रहेको मन्त्रालयले जारी गरेको पछिल्लो अपडेटमा उल्लेख गरिएको छ ।
