काठमाडौं । नेपालमा पछिल्लो २४ घण्टामा १२ हजार ३३८ जना कोरोना भाइरस (कोभिड-१९) का संक्रमित थपिएका छन् । यो एकै दिनमा थपिएका हालसम्मकै सबभन्दा धेरै संक्रमित संख्या हो ।
स्वास्थ्य तथा जनसंख्या मन्त्रालयका अनुसार २१ हजार ७ जनाको पीसीआर टेष्ट गर्दा १० हजार ५२ तथा ६ हजार ४९० नमुनाको एन्टीजेन टेष्ट गर्दा २ हजार २८६ जना गरी १२ हजार ३३८ जना कोरोना संक्रमित थपिएका हुन् ।
२४ घण्टामा चार जनाको मृत्यु भएको छ भने ६ सय ४९ जना डिस्चार्ज भएका छन् । देशभर सक्रिय संक्रमितको संख्या ५७ हजार ३२८ रहेको छ ।
काठमाडौं उपत्यकामा एकै दिन ६ हजार ९८१ जना कोरोना संक्रमित थपिएका छन् ।
स्वास्थ्य मन्त्रालयका अनुसार काठमाडौंमा ५,००१, ललितपुरमा १,१३० र भक्तपुरमा ८५० जना कोरोना संक्रमित थपिएका हुन् ।
