काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले एमाले संखुवासभा जिल्लाको छैटौं अधिवेशन उद्घाटन गर्नुभएको छ । उहाँले संखुवासभाको सदरमुकाम खाँदबारीमा आयोजित नेकपा एमाले संखुवासभा जिल्लाको छैटौं अधिवेशनको उद्घाटन गर्नुभएको हो ।
उहाँले सो ठाउँमा आयोजित सभालाई सम्बोधन गर्नुका साथै जिल्लामा भैरहेका योजनाहरुको बारेमा जानकारी लिने कार्यक्रम समेत रहेको छ ।
अध्यक्ष ओलीका साथ सो कार्यक्रममा पार्टीका उपाध्यक्ष विष्णुप्रसाद पौडेल, स्थायी कमिटी सदस्यद्वय राजेन्द्र गौतम र डा. शिवमाया तुम्बाहाम्फे, पोलिटब्युरो सदस्य परशुराम मेघी गुरुङ, केन्द्रीय कमिटी सदस्य सुनिता बराल र दुर्गा प्रसाईसमेत सहभागी हुनुभएको छ ।
