काठमाडौं । नेपालमा पछिल्लो २४ घण्टामा ११६७ जना कोरोना भाइरसका संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभर १२ हजार ६३२ नमुना परीक्षण गर्दा सो संख्यामा संक्रमित थपिएका हुन् । थपिएका कोरोना संक्रमितमध्ये ६१५ जना काठमाडौं उपत्यकाका छन् । काठमाडौंमा ४९१, ललितपुरमा ९९ र भक्तपुरमा २५ जना छन् ।
हाल देशभर छ हजार ७५५ जना सक्रिय सङ्क्रमित रहेका छन् ।
त्यस्तै पछिल्लो २४ घण्टामा २२४ जना कोरोनामुक्त भएको स्वास्थ्य मन्त्रालयले जनाएको छ । सोही अवधिमा दुईजनाको मृत्यु भएको स्वास्थ्य मन्त्रालयले जनाएको छ । नेपालमा हालसम्म कोरोनाबाट ११ हजार ६०४ जनाको मृत्यु भएको मन्त्रालयले जनाएको छ ।
