कपिलवस्तु । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले नेकपा एमालेमा प्रवेश गरेका ६ हजार बढी नेता कार्यकर्तालाई स्वागत गर्नुभएको छ । कपिलवस्तुका चर्चित नेतासहित ठूलो संख्यामा रहेका कार्यकर्तालाई अध्यक्ष ओलीले आज पार्टी प्रवेश गराउँदै स्वागत गर्नुभएको हो ।
कपिलवस्तका चर्चित नेता मंगलप्रसाद गुप्ता आफ्ना समूहसहित नेकपा (एमाले)मा प्रवेश गर्नुभएको छ । कपिलवस्तुको बहादुरगञ्जमा आयोजित पार्टी प्रवेश कार्यक्रममा मंगलप्रसाद गुप्ताको नेतृत्वमा ६ हजारभन्दा बढी कार्यकर्ता र समर्थकहरू नेकपा एमालेमा प्रवेश गरेका हुन् । गुप्तासहितका नवप्रवेशीहरूलाई एमाले अध्यक्ष कमरेड केपी शर्मा ओलीले पार्टीमा स्वागत गर्नुभयो ।
नवप्रवेशीहरूमा नेकपा माओवादी केन्द्रका तर्फबाट निर्वाचित स्थानीय तहका जनप्रतिनिधिहरूको संख्या उल्लेखनीय रहेको छ । गुप्ता समूह प्रवेशसँगै कपिलबस्तुमा एमाले पहिलो शक्तिको रुपमा रहेको एमालेले दाबी गरेको छ ।
एमाले रोजेका जसपा केन्द्रीय सदस्य मंगलप्रसाद गुप्तासहित विभिन्न पार्टीका नेता र कार्यकर्तालाई नेकपा एमाले अध्यक्ष केपी शर्मा ओलीले स्वागत गर्नुभएको छ । कार्यक्रममा अध्यक्ष ओलीसँगै महासचिव शंकर पोखरेल, सचिव लेखराज भट्टलगायतका नेताहरूको उपस्थिति रहेको थियो ।
