काठमाडौं । नेपालमा गत २४ घण्टामा २७४ जना कोरोना भाइरसका संक्रमित थपिएका छन् ।
७ हजार ६ सय ९१ जनाको पीसीआर परीक्षण गर्दा २६९ जना र १ हजार ३ सय २५ जनाको एन्टिजेन परीक्षण गर्दा २४ जना गरी २७४ जना कोरोना भाइरसका संक्रमित थपिएका स्वास्थ्य तथा जनसंख्या मन्त्रालयले जनाएको छ ।
त्यस्तै गत २४ घण्टामा कोरोना संक्रमणबाट ३ जनाको मृत्यु भएको छ भने २७० जना निको भएका छन् ।
शुक्रबार थपिएसँगै नेपालमा कोरोना संक्रमितको कुल संख्या ९ लाख २१ हजार ३४७ पुगेको छ । योसँगै नेपाल मृत्यु हुनेको संख्या ११ हजार ५७० पुगेको छ भने ८ लाख ८ हजार ३५३ जना संक्रमणमुक्त भएका छन् ।
मन्त्रालयका अनुसार हाल देशभर सक्रिय संक्रमितको संख्या ५ हजार ५२२ जना रहेका छन् । जसमध्ये ५ हजार २४७ जना होम आइसोलेसनमा रहेका छन् भने २७५ जना संस्थागत आइसोलेसनमा रहेका छन् । कोरोनाका बिरामीमध्ये १०४ जना आईसीयू र २५ जना भेन्टिलेटरमा उपचाररत् छन् ।
त्यस्तै १० वर्षमुनिका ८ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका ३१ जना कोरोना संक्रमित थपिएका मन्त्रालयले जनाएको छ ।
