काठमाडौँ । नेपालमा पछिल्लो २४ घण्टामा ३६२ जना कोरोना भाइरसका सङ्क्रमित थपिएका छन् ।
त्यस्तै हालसम्म कूल सङ्क्रमितमध्ये ८ लाख ७ हजार ५१६ जना निको भइसकेका छन् । नेपालमा निको हुने दर ९७.९ प्रतिशत रहेको छ । हाल देशभर ५ हजार ६८९ जना सक्रिय सङ्क्रमित रहेका छन् ।
यस्तै, थप २ जनाले कोरोना भाइरसको सङ्क्रमणबाट ज्यान गुमाएका छन् । योसँगै कोभिड–१९ बाट ज्यान गुमाउनेको कूल सङ्ख्या ११ हजार ५५९ पुगेको छ ।
यसैगरी पछिल्लो २४ घण्टामा थप २ लाख ३६ हजार ४८२ जनाले कोरोनाभाइरस विरुद्धको खोप पनि लगाएका छन् । हालसम्म २ करोड ९ लाख ९५ हजार ५३६ मात्रा खोप लगाइसकिएको स्वास्थ्य तथा जनसंख्या मन्त्रालयले जनाएको छ ।
