काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले कांग्रेसले अर्काको एजेण्डा बोकेर नहिड्न सुझाव दिनुभएको छ । काठमाडौंको भृकुटीमण्डपमा शुक्रबार आयोजित १४औँ महाधिवेशनलाई सम्बोधन गर्ने क्रममा उहाँले प्रधानमन्त्री शेरबहादुर देउवालाई कांग्रेसको मात्रै नेता नबनेर सबैको नेता बन्न आग्रह पनि गर्नुभयो । उहाँले महाधिवेशनको शुभकामना दिँदै भन्नुभयो, ‘नेपाली कांग्रेस अरुको एजेण्डा बोकेर हिँड्न छाड्नुपर्छ । आफ्नो एजेण्डा लिएर अघि बढोस् ।’
कांग्रेसको महाधिवेशनमा आउनुअघि एमाले अध्यक्ष ओली प्रज्ञा प्रतिष्ठानमा आयोजित पार्टी कार्यक्रममा सहभागी हुनुभएको थियो । उहाँ त्यहाँबाट कांग्रेसलाई सम्झाउन जान्छु भन्दै निस्किनुभएको थियो ।
