काठमाडौं । नेपालमा पछिल्लो २४ घण्टामा २९६ जना कोरोना भाइरसका संक्रमित थपिएका छन् ।
स्वास्थ्य तथा मन्त्रालयका अनुसार पछिल्लो २४ घण्टामा पीसीआर र एन्टिजेन विधिबाट ८ हजार ९७२ जनामा परीक्षण गर्दा २९६ जना कोरोना संक्रमित थपिएका हुन् ।
यस्तै, आज थप ३६९ जना कोरोना संक्रमणबाट मुक्त भएका छन् ।
हाल देशभर सक्रिय संक्रमितको संख्या ७ हजार ५३९ जना रहेको छ ।
यसैगरी पछिल्लो २४ घण्टामा संक्रमणबाट थप ५ जनाको मृत्यु भएको छ । नेपालमा कोरोनाबाट ज्यान गुमाउनेको कुल संख्या ११ हजार ४९४ पुगेको मन्त्रालयले जनाएको छ ।
