झापा । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले एमाले फेरि पनि देशकाे ठुलो पार्टी हुने बताउनुहुँदै आगामी सरकार एमाले एक्लैले पाँच वर्षसम्म चलाउने दाबी गर्नुभएको छ । बृहत् कार्यकर्ता प्रवेशको कार्यक्रमका लागि आजै गृह जिल्ला झापा पुग्नुभएका उहाँले यस्तो दाबी गर्नुभएको हो ।
झापामा पुग्नुभएका अध्यक्ष ओलीले आज भद्रपुर नगरपालिका–१ पृथ्वीनगरमा पुगी ९० वर्षीया बुबा मोहनप्रसाद ओलीलाई भेट्नुभएको छ । भेटघाटका क्रममा अध्यक्ष ओलीका बुवा मोहनप्रसादले फागुनपछि फेरि नेपालको प्रधानमन्त्रीमा केपी ओली नै हुने बताउनुभयो ।
