काठमाडौं । नेपालमा पछिल्लो २४ घण्टामा ७०८ जना कोरोना भाइरसका संक्रमित थपिएका छन् ।
स्वास्थ्य तथा मन्त्रालयका अनुसार पछिल्लो २४ घण्टामा पीसीआर र एन्टिजेन विधिबाट ९ हजार ३७६ जनामा परिक्षण गर्दा ७०८ जना कोरोना संक्रमित थपिएका हुन् ।
यस्तै, आज थप ९३२ जना कोरोना संक्रमणबाट मुक्त भएका छन् ।
हाल देशभर सक्रिय संक्रमितको संख्या १० हजार ९४६ जना रहेको छ ।
त्यसैगरी पछिल्लो २४ घण्टामा संक्रमणबाट थप ११ जनाको मृत्यु भएको छ । नेपालमा कोरोनाबाट ज्यान गुमाउनेको कुल संख्या ११ हजार ३३७ पुगेको मन्त्रालयले जनाएको छ ।
