काठमाडौँ । प्रमुख प्रतिपक्षी दल नेकपा एमालेले देशभरका सबै वडाहरूमा एकसाथ अधिवेशन आयोजना गर्ने भएको छ ।
एमालेले नेकपा एकतापछि अधिवेशन नभएका कारण एकै पटक देशभरका ६ हजार ७ सय ४५ वडामा कात्तिक ६ गते नयाँ नेतृत्व चयन गर्न लागेको हो ।
मङ्सिरमा हुने महाधिवेशनअगाडि एमालेले वडा, स्थानीय तह, जिल्ला र प्रदेशका अधिवेशनहरू सम्पन्न गर्न लागेको पार्टी कार्यालय सचिव शेरबहादुर तामाङले जानकारी दिनुभयो ।
कार्यालय सचिव तामाङका अनुसार वडा अधिवेशन सकिएलगतै कात्तिक ९ गते देशभरका ७५३ स्थानीय तहको अधिवेशन हुनेछ ।
कात्तिक ६ गते एकसाथ वडा अधिवेशन हुने र अधिवेशन तथा नेतृत्व चयन विधिका बारेमा केन्द्रबाट सामान्य मापदण्ड पठाइने केन्द्रीय कार्यालय सचिव शेरबहादुर तामाङले बताउनुभयो ।
