देउवा गठवन्धन राष्ट्रिय स्वाधिनता, सार्वभौमिकता र विकास विरोधी : एमाले अध्यक्ष ओली

नेपालगञ्ज । नेकपा एमालेका अध्यक्ष केपी शर्मा ओलीले बर्तमान सरकार राष्ट्रिय स्वाधिनता, सार्वभौमिकता र विकास विरोधी भएको आरोप लगाउनुभएको छ ।
बुधबार बाँकेको नेपालगन्जमा भएको नेकपा एमाले बाँकेको जिल्ला भेलालाई सम्बोधन गर्दै अध्यक्ष ओलीले सरकारले जनताको हित बिपरित काम गरेको र राष्ट्रिय स्वाधिनता, सार्वभौमिकता र विकास विरोधि भएको आरोप लगाउनुभएको हो । उहाँले अदालतको परमादेशबाट बनेको सरकारले यसअघिको बिकास आयोजनालाई हटाएको बताउनुभयो ।
विद्वान व्यक्तिहरुलाई राजदुतावासबाट फिर्ता बोलाउनु, भुमि सम्बन्धि समस्या समाधान आयोग खारेज गर्नु र पार्टी विभाजनलाई सजिलो बनाउनका लागि अध्यायदेश ल्याउनुले बर्तमान सरकारको नालाएकीपन छरपस्ट भएको उहाँले बताउनुभयो ।
अध्यक्ष ओलीले आफ्नो नेतृत्वको सरकारले जनता आवास अन्र्तगत बनेका १२ हजार घर, एदैदिन शिलान्यास गरिएका ३१ वटा सडक पुल तथा २ सय १० वटा ससडक बाटो र ३ सय ९६ वटा अस्पताल एकैदिन शिलान्याश गरेर विकासका कामहरुलाई तीव्ररुपमा अघाडि बढाएको तर्क गर्नुभयो ।