काठमाडौं । नेपालमा पछिल्लो चौबीस घण्टामा कोरोना भाइरसका तीन हजार ५५६ सङ्क्रमित थपिएका छन् । १२ हजार ४०० जनाको आरटीपीसीआर परीक्षण गरिएकोमा तीन हजार ४४२ जनामा भाइरसको सङ्क्रमणको पुष्टि हुनुका साथै ८९३ जनाको एन्टीजेन परीक्षण गरिएकोमा ११४ जनामा सङ्क्रमण पोजिटिभ पाइएको छ ।
स्वास्थ्य तथा जनसंख्या मन्त्रालयका अनुसार थपिएका सङ्क्रमितसँगै नेपालका कोरोनाका कुल सङ्क्रमितको संख्या तीन लाख तीन हजार ५६१ पुगेको छ । पछिल्लो चौबीस घण्टामा मन्त्रालयका अनुसार चौबीस घण्टामा ३७८ जना सङ्क्रमित निको भएका छन् । हालसम्म दुई लाख ७७ हजार ९५१ जना निको भइसकेका छन् । हाल निको हुने दर ९१.५ प्रतिशतमा झरेको छ ।
मन्त्रालयका अनुसार पछिल्लो चौबीस घण्टामा १९ जना थप सङ्क्रमितको मृत्युको पुष्टि भएको छ । हालसम्म कोरोना सङ्क्रमणबाट तीन हजार १७६ जनाको मृत्यु भइसकेको छ ।
हाल ६५ जना क्वारेन्टिनमा र २२ हजार ४३४ जना आइसोलेशनमा रहेका छन् ।
