अफगानिस्तानमा सेनाको हेलिकप्टर दुर्घटना, नौको मृत्यु

काबुल । अफगानिस्तानको वार्दाक प्रान्तमा अफगान वायु सेनाको एक हेलिकप्टर दुर्घटना हुँदा नौ जना व्यक्तिको मृत्यु भएको रक्षा मन्त्रालयले बिहीबार पुष्टि गरेको छ ।
बुधबार राती वार्दाक प्रान्तको बिहसुद जिल्लामा सो दुर्घटना भएको थियो ।
सो दुर्घटनामा परी चारजना चालक दलका सदस्य र पाँच अफगान राष्ट्रिय सेना मारिएको मन्त्रालयद्वारा प्रकाशित एक विज्ञप्तिमा जनाइएको छ ।
सेनाले दुर्घटनाको विषयमा अनुसन्धान गरिरहेको र सत्यतथ्य विवरणहरू बाहिर आएपछि सार्वजनिक गरिने विज्ञप्तिमा जनाइएको छ । गत नोभेम्बरमा पूर्वी प्रान्त नान्र्गाहरमा सेना हेलिकप्टर दुर्घटनाग्रस्त हुँदा अफगान वायु सेनाका दश सदस्य मारिएका थिए । (रासस/सिन्ह्वा)