काठमाडौं । नेपाली बजारमा आज पनि सुनको मूल्य बढेको छ । स्थानिय बजारमा बुधवार ६०० रुपैयाँ बढेको सुनको भाउ बिहीवार पनि सोही अंकले बढेको हो ।
नेपाल सुनचाँदी व्यवसायी महासंघका अनुसार बिहीवार छापावाला सुन प्रतितोला रू. ८६ हजार ८०० मा कारोबार भएको छ । बुधवार छापावाला सुनको मूल्य प्रतितोला रू ८६ हजार २०० मा कारोबार भएको थियो । बुधवारको तुलनामा बिहीवार छापावाला सुन प्रतितोला रू. ६०० ले बढेको छ ।
यसैगरी तेजाबी सुन प्रतितोला रू. ८६ हजार ३५० मा कारोबार भएको छ । बुधवार तेजाबी सुन प्रतितोला ८५ हजार ७५० रुपैयाँमा कारोबार भएको थियो ।
त्यसैगरी बिहीवार चाँदीको मूल्य पनि बढेको छ । बुधवार प्रतितोला एक हजार २७० रुपैयाँमाँ कारोबार भएको चाँदी बिहीवार प्रतितोला रू. एक हजार २८५ मा खरीदविक्री भइरहेको छ । बुधवारको तुलनामा बिहीवार चाँदी १५ रुपैयाँ बढेको हो ।
