सुनको भाउ बढ्यो

काठमाडौँ । स्थानीय बजारमा आज पहेंलो धातु सुनको भाउ फेरि उकालो लागेको छ । मङ्गलबार तोलामा रु ८५ हजार ६०० मा कारोबार भएको छापावाला सुन आज भने तोलामा रु ८६ हजार २०० पुगेको छ ।
त्यसैगरी तेजाबी सुन मङ्गलबार तोलामा रु ६५ हजार १५० मा कारोवार भएकामा आज भने रु ८५ हजार ७५० मा किनबेच भएको नेपाल सुनचाँदी व्यवसायी महासङ्घले बताएको छ ।
यसैगरी चाँदीको मूल्य पनि आज तोलामा रु १५ ले उकालो लागेको छ । रु एक हजार २५५ मा मङ्गलबार कारोवार भएको चाँदी आज तोलामा रु एक हजार २७० मा किनबेच भएको छ ।