मध्यपुरद्वारा श्रीकुमारी पराजित

काठमाडौं । मध्यपुर युथ एशोसिएशनले श्रीकुमारीलाई पराजित गरेको छ । शहीद स्मारक बी डिभिजन लिगअन्तर्गत मंगलबार सम्पन्न खेलमा मध्यपुरले श्रीकुमारीमाथि २–१ को जित हात पारेको हो ।
पहिलो हाफको अन्त्यतिर आशिष राईको गोलबाट श्रीकुमारीले मध्यपुरमाथि १–० को अग्रता कायम ग–यो । ४० औं मिनेटमा अग्रता बनाएको श्रीकुमारीले पाँच मिनेट पनि अग्रतालाई जोगाउन सकेन । मध्यपुरका कैलाश लामिछानेले ४५ औं मिनेटमा गोल गर्दा खेल १–१ को बराबरीमा आयो । दोस्रो हाफको सुरुवातमै धिरज श्रेष्ठले मध्यपुरका लागि गोल थप्दा उक्त गोल नै खेलको निर्णायक बन्न गयो ।
सो खेलमा कैलाश लामिछाने प्लेयर अफ द् म्याच घोषित हुनुभयो ।