पूर्वमन्त्री बास्कोटाको घरमा बम विस्फोट

काठमाडौं । पूर्व सूचना तथा सञ्चारमन्त्री गोकुलप्रसाद बास्कोटाको घरमा बम विस्फोट भएको छ । भक्तपुरस्थित मनोहरा फाँटमा रहेको मन्त्री बास्कोटाको घरमा भर्खरै बम विस्फोट भएको छ । बम विस्फोट कसले किन गराएको हो भन्ने खुलेको छैन । घरमा कोही नभएका कारण मानवीय क्षति भएको छैन भने घरमा भने निकै क्षति पुगेको छ । कुकर बम विस्फोट भएको प्रहरीले जनाएको छ ।  सो क्षेत्रमा ठूलो मात्रामा प्रहरी परिचालन भएका छन् ।