मुम्बई , बेलायतका राजकुमार चाल्र्सले आफ्नो ७१औँ बार्षिकोत्वस भारतको मुम्बइमा मनाउनु भएको छ ।
भारतको तीन दिने भ्रमणमा रहनुभएका राजकुमार चाल्र्सले बिहीबार मुम्बईस्थित ताजमहल होटलमा विद्यार्थीहरुसँग जन्मोत्सव मनाउनु भएको हो ।
जन्मोत्सव समारोहमा उहाँले सामान्य केक काट्नुभएको थियो भने २० भन्दा बढी विद्यार्थीले उहाँलाई घेरेका थिए ।
जन्मोत्सव समारोहमा सहभागी विद्यार्थीहरुले ताली बजाउदै राजकुमार चार्सलाई दीर्घ जीवनको शुभकामना व्यक्त गरेका थिए ।
भारतको दशौँ औपचारिक भ्रमणका क्रममा उहाँले राष्ट्रपति रामनाथ कोविन्दलाई भेट्नुका साथै गुरुद्धारा बङ्गला साहिब र भारतीय मौसम विज्ञान विभागको भ्रमण गर्नुभएको थियो । (रासस÷एएनआई)
