अफगानिस्तान । सरकारी फौजको कारबाहीमा अफगानिस्तानको उत्तरी सामानगान प्रान्तका लागि तालिबानका छायाँ गभर्नर मौलवी नूरुद्दीन समेत कम्तीमा १२ जना तालिबान लडाकूहरु मारिएका छन् ।
सेनाका प्रवक्ता मोहम्मद हनिफ रेजाइले तालिबान विरुद्ध सरकारी फौजले हवाई कारबाही गरेको बताउनुभयो । द्वन्द्वग्रस्त यस प्रान्तमा तालिबान विद्रोहीको निकै बलियो प्रभाव र पकड रहेको छ ।
प्रवक्ता रेजाइले गोप्य सूचनाका आधारमा आइतबार बिहान लडाकू विमानले तालिबान विद्रोहीहरु लुकेर बसेका स्थानमा हवाई कारबाही गरेको बताउनुभयो ।
रेजाइले प्रान्तको सुरक्षा व्यवस्था सुदृढ तुल्याउन तालिबान विरुद्धको कारबाहीलाई अझ कडा बनाइने जानकारी दिनुभयो । तालिबान समूहले भने उक्त कारबाहीका बारेमा केही बताएको छैन ।
रासस-सिन्ह्वा
