काठमाडौ, एसइईमा परीक्षा सुरु हुनुभन्दा पहिला नै प्रश्नपत्र आउट भएपछि र स्थगित गरिएको प्रदेश नम्बर–२ को एसइई परीक्षा आजदेखी पुनः सुरु भएको छ ।
प्रश्नपत्र बाहिरीएपछि राष्ट्रिय परीक्षा बोर्डले स्थगित गरेको एसइई परीक्षाअन्तर्गत् शुक्रबार विज्ञान विषयको परीक्षा सुरु भएको हो ।
प्रदेश–२ का ८ ओटै जिल्लामा रद्द र बाँकी विषयको परीक्षा आजदेखि पुनः सुरु भएको हो । मोवाइल र बिभिन्न माध्यमबाट प्रश्नपत्र बाहिरिएपछि यसपटकको परिक्षामा विद्यार्थीलाई मोबाइल बोक्न नदिएको बताइएको छ । प्रदेश–२ मा जम्मा २६३ परीक्षा केन्द्र छन् भने ७० हजार ५६८ परीक्षार्थी परीक्षामा सहभागी छन् । यस वर्षको एसइई परीक्षामा देशभरबाट कूल ४ लाख ७५ हजार तीन परीक्षार्थी परीक्षामा सहभागी भएका छन्।
