राजेशपायल चढेको कार दुर्घटना, अवस्था सामान्य

चर्चित गायक राजेशपायल राई दुर्गघटनामा परेको छ । उनी चढेको बुटवलबाट गुल्मी जाँदै गरेको गाडि गुल्मीको दुवीचौरमा दुर्घटनामा परेको हो । दुर्घटनामा गायक राई सामान्य घाइते भएका छन् ।
गायक राई सवार बा १२ च ४४४२ नम्बरको कार र लु २ प ३१३३ नम्बरको ट्याक्सी ठोक्किएको थियो । दुर्घटनामा सात जना घाइते भएका छन्। ट्याक्सीमा सवार एक जना गम्भीर घाइते रहेको प्रहरीले जनाएको छ ।
गायक राई चढेको कारको अगाडिको भागमा मात्र क्षती पुगेको छ। सो कारमा सवार व्यक्तिहरु सामान्य मात्र घाइते भएका थिए। ट्याक्सीमा सवारहरुलाई चोट लागेको छ। गायक राईका चालकलाई प्रहरीले पक्राउ गरेको हो । गायक राईले आफू सामान्य रहेको र भोलीको कार्यक्रममा गाउन सक्ने बताए छन् ।