वाणिज्यदूतावासमा झण्डोत्तोलन

 

 मोरक्को अधिराज्यका नरेश मोहमेद छैटौँको गद्दीआरोहणको १८औँ वार्षिकोत्सवका अवसरमा आज यहाँ झण्डोत्तोलन गरिएको छ ।

नेपालका लागि उक्त मुलुकका राजदूत र अवैतनिक वाणिज्यदूतले थापाथलीस्थित अवैतनिक वाणिज्यदूतको कार्यालयमा मोरक्कोको राष्ट्रिय झण्डा संयुक्तरुपमा फहराउनुभएको हो ।

मोरक्कोका राजदूत मोहमेद मल्लिकीले नेपालसँगको आफ्नो मुलुकको सम्बन्ध अत्यन्त सुमधुर रहेको चर्चा गर्दै बिहीबार दुवै मुलुकबीच परामर्श संयन्त्र गठन गर्ने सम्बन्धमा भएको पारस्परिक समझदारीले त्यस विषयलाई थप उचाइमा पु¥याएको बताउनुभयो ।

अवैतनिक वाणिज्यदूत वसन्तकुमार चौधरीले दुई देशबीचको सम्बन्ध प्रगाढ तुल्याउन नवगठित परामर्श संयन्त्रले पारस्परिक हित र सहयोगका सबै क्षेत्रमा काम गर्ने बताउँदै राजनीतिक, आर्थिक, व्यापार, वाणिज्य, लगानी, वित्त, औद्योगिक, शिक्षा, सामाजिक विकास र विज्ञान तथा प्रविधिका क्षेत्रमा पनि सहकार्य गर्ने जानकारी दिनुभयो ।

नायब वाणिज्यदूत मेघा चौधरीले नेपाल–मोरक्कोको मैत्रीका विविधि पक्षबारे चर्चा गर्नुभयो ।