एमालेले मनाङमा पहिलो पटक जित हासिल गरेको छ

नेकपा एमालेले मनाङमा पहिलो पटक जित हासिल गरेको छ । नेस्याङ गाउँपालिकाका अध्यक्ष र उपाध्यक्ष पदसहित सबै वडामा नेकपा एमालेका उम्मेदवार निर्वाचित भएका छन् । अध्यक्षमा एमालेका कान्छा घले ६२७ मत प्राप्त गरी निर्वाचित भएका हुन् । उनका निकटतम प्रतिद्वन्द्वी नेपाली कांग्रेसका विनोद गुरुङले ४६१ मत प्राप्त गरे । उपाध्यक्षमा एमालेकी मिङ्खु गुरुङ ६११ मत प्राप्त गरी निर्वाचित भएकी छन् । उनका निकटतम प्रतिद्वन्द्वी कांग्रेसकी छिरिङ ओङमा गुरुङले ५०४ मत प्राप्त गरिन् । मनाङकै चामे गाउँपालिकामा एमालेका लोकेन्द्रबहादुर घले निर्वाचित भएका छन् ।