मोर्चालाई शान्तिपुर्ण राजनीतिमा आउन ओलीको आग्रह

नेकपा एमाले मेची महाकाली राष्ट्रिय अभियान अन्र्तगत नेपालगञ्जमा सम्बोधन गर्दै नेकपा एमालेका अध्यक्ष एवं पुर्वप्रधानमन्त्री के.पी शर्मा ओलीले मोर्चालाई शान्तिपुर्ण राजनीतिमा आउन आग्रह गरेका छन् । अहिलेको मोर्चाको गतिविधी गैरराजनीतिक र अपराधिक मानसिकताको उपज भएको आरोप लगाएका छन् । नेकपा एमाले जनताको पार्टी भएको र नेपालको जुनसुकै भुभागमा जान एमालेलाई कसैले रोक्न नसक्ने बताए । नेकपा एमाले जनताको पक्षमा लडिरहेको छ, देश बनाउन हिँडेको पार्टी कसरी जनता विरोधी हुन्छ ? ओलीले प्रश्न गरे, एमालेको कार्यक्रममा कालो झण्डा देखाउने तर्फ ईगिंत गर्दै उनले भने एमालेलाई कसले कालो देखाउँछ त्यो हेर्ने फुर्सद नभएको बताए । एमाले रातो झण्डा बोकेर हिँडेको पार्टी हो ।
संविधान बनिसकेको छ , र त्यसलाई कार्यान्वयन गर्न नदिने प्रयास भैरहेको छ । सप्तरी घटना एमालेमाथिको मात्र आक्रमण होइन, लोकतन्त्र र संविधानमाथिको आक्रमण हो । मधेशी मोर्चालाई यस्ता गतिविध नगर्न र अरुको काँध चढेर नहिड्न पनि ओलीले सुझाएका छन् । ओलीले नेकपा एमालेले मात्र राष्ट्रियता र स्वाधिनता, अखण्डताको रक्षा गर्न सक्ने भएकाले नेकपा एमालेलाई आगामी निर्वाचन जिताउन समेत आग्रह गरे । यदि एमालेले नजिते मुलुक गम्भिर संकटमा पर्ने र राष्ट्रियता खतरामा पर्ने उनको भनाई थियो ।
राजनीतिमा मतभेद हन्छ त्यो स्वभाविक भए पनि त्यसका नाममा अपराधिक गतिविधी गर्न नपाइने प्रष्ट पारे । जातका र भुगोलका नाममा द्वन्द्व सिर्जना गर्न खोजिएको भन्दै उनले चिन्ता व्यक्त गरे । मधेसी जनताका नाममा दल खोलेको छन् । अलि अलि मत आए श्रीमती र आफै सांसद, मन्त्री बन्छन् । मधेसी जनताको नाम बेचेर आफ्नो दुनो सोझ्याइरहेका छन् – उनले भने । त्यस्ता कुरालाई मधेशी जनताले बुझ्छन् र बुझिरेका छन् ।