काठमाडौं । नेप्से परिसूचक उच्च अंकले घटेर बन्द भएको छ। साताको पहिलो कारोबार दिन आइतबार नेप्से परिसूचक १०५.५० अंकले घटेर २६७६.६८ विन्दुमा झरेको छ। यसदिन ३४५ वटा स्क्रिप्सको ३ करोड १२ लाख ६ हजार १६२ कित्ता सेयर १२ अर्ब ३८ करोड ९ लाख १४ हजार ५७० रुपैयाँमा खरिदबिक्री भए।
सरकारले व्यवसायीहरूमाथि सम्पत्ति शुद्धिकरणको मुद्दा चलाएपछि बजारमा त्यसको प्रभाव परेको लगानीकर्ताहरू बताउँछन्।
नेप्से उच्च अंकले घटेपनि ६ वटा कम्पनीको सेयर सकारात्मक सर्किट लेभलमा कारोबार भयो। रिलायन्स स्पिनिङ मिल्स,भुजुङ्ग हाइड्रोपावर,रिलायन्स लाइन इनर्जी,होटल फोरेस्ट इन,सुपर खुदी हाइड्रोपावर र सूर्यकुण्ड हाइड्रोपावर इलेक्ट्रिक्सको सेयर सकारात्मक सर्किट लेभलमा कारोबार भयो।
यस्तै सातवटा कम्पनीको सेयरमा भने नकारात्मक सर्किट ब्रेक लाग्यो। कारोबारमा आएकामध्ये ७ वटा स्टक्सको मूल्य बढ्दा २६१ वटाको घट्यो। उच्च अंकले बजार घट्दा १३ वटै समूहको उपसूचक नकारात्मक देखिए ।
