काठमाडौं । एम्बुलेन्समा चिनियाँ चुरोटको तस्करीमा संलग्न रहेको आरोपमा ४ जना पक्राउ परेका छन् । पक्राउ पर्नेमा रसुवाको आमाछोदिङमो गाउँपालिका-३ का एम्बुलेन्स चालक ४३ वर्षीय दावा नुर्पु तामाङ, आमाछोदिङमो गाउँपालिका-५ का २७ वर्षीय मार्कुस तामाङ, आमाछोदिङमो गाउँपालिका-५ का ३२ वर्षीय सुशील तामाङ र आमाछोदिङमो गाउँपालिका-५ की ३६ वर्षीया सुनिता तामाङ रहेका छन् ।
पासाङल्हामु राजमार्गअन्तर्गत रसुवाको बेत्रावतीमा बागमती प्रदेश ०१००२ झ ७४२६ नम्बरको एम्बुलेन्स चेकजाँचको क्रममा ३ हजार ९४० बट्टा चुरोट बरामद भएको हो। प्रहरी चौकी बेत्रावतीबाट खटिएको प्रहरी टोलीले चुरोट, एम्बुलेन्ससहित ४ जनालाई नियन्त्रणमा लिएको हो ।
जिल्ला प्रहरी कार्यालय रसुवाका अनुसार ७० लाख ९२ हजार रुपैयाँ बराबरको चुरोट बराबद गरिएको हो ।
