काठमाडौं । राष्ट्रिय प्रजातन्त्र पार्टीले आइतबार साँझ देशभर मसाल जुलुस निकालेको छ ।
राप्रपाले पार्टीका वरिष्ठ उपाध्यक्ष रवीन्द्र मिश्र र सांसद धवलशमशेर जबराको रिहाइको माग गर्दै देशभर मसाल जुलुस गरेको हाे ।
आइतबार देशभर मसाल जुलुस गरेको राप्रपाले काठमाडौंका विभिन्न ठाउँमा पनि मसाल जुलुस गरेको थियाे ।
शुक्रबार साँझ पक्राउ परेका उनीहरुलाई आज प्रहरीले जिल्ला अदालत काठमाडौंबाट पाँच दिन थुनामा राख्न अनुमति लिएको छ ।
हिजो बसेको राप्रपाको बैठकले उनीहरुलाई रिहाइ गर्न २४ घन्टाको अल्टिमेटम दिएको थियो ।
तीनकुने घटनामाथि अनुसन्धान गरिरहेको प्रहरीले मिश्र, जबरा लगायत ११ जनालाई राज्यविरुद्धको अपराधको आरोपमा मुद्दा चलाएको हो ।
