काठमाडौं । दोस्रो आईसीसी इमजर्जिङ एसिया बैंकिङ अवार्ड अन्तर्गतको ‘बेस्ट इन डिजीटल बैंकिङ अवार्ड’ एनआईसी एशिया बैंकले प्राप्त गरेको छ ।
‘डिजिटल फस्ट बैंक’ बन्ने दीर्घकालीन रणनीति अनुरुप सम्पूर्ण बैंकिङ्ग सेवाहरू क्रमिक रुपले डिजिटल माध्यममा रुपान्तरण गरिरहेको बैंकले प्राप्त उक्त पुरस्कारले अझ बढी उत्पे्ररणा प्रदान गरेको बैंकले जनाएको छ ।
इण्डियन चेम्बर अफ कमर्सको २०२४ अगष्ट २३ मा भारतको नयाँ दिल्लीमा आयोजना गरिएको ‘बैंकिङ्ग कनक्लेभ २०२४’ कार्यक्रममा एनआईसी एसिया बैंकले उक्त अवार्ड प्राप्त गरेको बैंकका सहायक प्रमुख कार्यकारी अधिकृत अर्जुनराज खनियाले जानकारी दिएका छन् ।
यस अवार्डमा विमस्टेक अन्तर्गतका राष्ट्रहरू नेपालसहित भारत, श्रीलंका, भुटान, म्यानमार लगायतका देशहरुका बैंकहरूले प्रतिस्पर्धा गरेका थिए ।
यी देशका बैंकहरूले विभिन्न आठ विधामा प्रतिस्पर्धा गरेका थिए, जसमा नेपालबाट एनआईसी एसिया बैंकले उक्त अवार्ड प्राप्त गर्न सफल भएको हो । यस अवार्डमा उत्कृष्ट बैंक छनोट गर्नका लागि इण्डियन च्याम्बर अफ कमर्स अन्तर्गतको आर्थिक मामिला तथा नीति विभागले विभिन्न १७ वटा सूचकहरू निर्धारण गरेको थियो ।
