महोत्तरी । महोत्तरी बर्दिवास नगरपालिकाका नगरप्रमुख प्रल्हाद कुमार क्षेत्रीले अहिलेसम्मको तलववाट रगत संकलन गर्ने भ्यान खरिद गर्ने भएका छन ।
उक्त भ्यान खरिद गर्न नेपाल रेडक्रस सोसाइटी बर्दिवास शाखालाई आइतबार नगरप्रमुख क्षेत्रीले ७ लाख ७७ हजार ७ सय ७७ रुपैयाँ हस्तान्तरण गरेका हुन ।
आइतबार आफ्नो २५ औ वैवाहिक बार्षिकत्सवको अवसर पारेर उक्त पैसा हस्तान्तरण गर्दै उन्ले अव रगतको अभावमा कोहीपनी अकालमा नै ज्यान गुमाउनु पर्ने अवस्था सिर्जना नहुने वताए ।
तर नगरप्रमुख क्षेत्रीले कार्याकालको यो अवधिसम्म पाएको पुर्ण तलव भने हैन । भन्सार छुट गरेर उक्त भ्यान खरिद गर्न झण्डै ७ लाख खर्च हुने अनुमान गरेर यो पैसा रेडक्रसलाई दिएको र वाकी रहेको पैसा गरिव तथा जेहेन्दार विद्यार्थीहरुको लागि खर्च गर्ने उन्को भनाई छ ।
निर्वाचित भएलगत्तै तलव र गाडीको सुविधा नलिने घोषणा गरेका नगरप्रमुख क्षेत्रीले प्रतिवद्वता अनुसार नै सेवा, सुविधा वापतको रकम सामाजिक सेवामा खर्च गरेका हुन ।
`नगर क्षेत्रमा रेडक्रस सोसाइटीले कहिलेकाही गाउँ -गाउँ पुगेर रगत संकलन कार्यक्रम राख्छ । त्यसैले यो भ्यान निक्कै उपयोगी सावित भएको छ ।´ रेडक्रस सोसाइटी महोत्तरीका कार्यसमिति सदस्य मुकुन्द पौडेलले भने । `नगरप्रमुख क्षेत्रीको सेवा, सुविधा वापतको पैसा सहि ठाउँमा सदुपयोग भएको छ ।´
निर्वाचित भएसगैँ घोषणा गरेको प्रतिवद्वता कार्यान्वयनमा ल्याएपछी स्थानियहरुले खुसी ब्यक्त गरेका छन ।
