काठमाडौँ । गौरादह–२ झापाकी एक युवतीसँग विवाह गरी अन्माउने बेलामा वेहुला पक्राउ परेका छन् । श्रीमती हुँदाहुँदै दोस्रो विवाह गर्न खोज्ने सुनसरी इटहरी–१९ का साजन चौधरीलाई पक्राउ गरिएको इलाका प्रहरी कार्यालय दमकले जनाएको छ ।
जेठी श्रीमतीको उजुरीका आधारमा चौधरीलाई विवाहमण्डपबाट नै नियन्त्रणमा लिइएको प्रहरीले जनाएको छ । बेहुला पक्राउ परेपछि वेहुली र जन्तीको बिचल्ली भएको थियो ।
पक्राउ परेका चौधरीलाई इलाका प्रहरी कार्यालयमा राखेर थप अनुसन्धान गरिरहेको प्रहरी नायब उपरीक्षक मनोजकुमार लामाले बताएका छन् ।
२० मंसिर २०८१, बिहिबार | Thu Dec 5 2024
