काठमाडौं । सहज, सबल, गतिशील, विश्वसनीय र उत्तरदायी बैंकिङ्गको अभ्यास गर्दै आम जनमानसको विश्वास जित्न सफल एन आई सी एशिया बैंकले २०७९ आषाढ १२ देखि आषाढ मसान्तसम्मको लागि निक्षेपको १० गुणासम्म प्राप्त हुने ‘एन आई सी एशिया सर्वश्रेष्ठ १० गुणा मुद्दती योजना’ ल्याएको थियो ।
व्यक्तिगत, संस्थागत एवं रेमिटेन्स ग्राहकहरू लक्षित गरेर ल्याइएको सो योजनामा देश एवं विदेशमा बस्नेहरू एवं विभिन्न संस्थाहरूले देखाएको अभूतपूर्व सहभागीता, रुची एवं चासोलाई सम्मान गर्दै बैंकले सो योजनालाई २०७९ श्रावण मसान्तसम्मका लागि निरन्तरता दिने निर्णय गरेको जनाएको छ ।
आम जनमानसको बैंकिङ्ग आवश्यकता, चाहना तथा अपेक्षालाई समुचित पहिचान गरी तथा बजारको सूक्ष्म रुपको अध्ययन तथा विश्लेषण गरी आफ्ना निक्षेप योजनाहरूलाई सोही अनुरुप थप ग्राहकमैत्री एवं प्रभावकारी बनाउन बैंकले यो योजनालाई निरन्तरता दिने निर्णय गरेको बैंकले स्पष्ट पारेको छ ।
सो योजनामा निक्षेपकर्ताहरूले ५ वर्ष १० महिनादेखि १९ वर्ष १० महिनासम्म मुद्दती खातामा रकम जम्मा गरे अनुुसार दुई गुणादेखि १० गुणासम्म निक्षेप रकम फिर्ता पाउने बताएको छ । आफूले निक्षेप गरेको रकम र पाकेको ब्याज गरी कुल रकमको ८० प्रतिशत बराबर कर्जा समेत लिन सक्ने बैंकले जनाएको छ ।
योजनाको विभिन्न प्रकारहरूलाई निम्नानुसार तालिकामा देखाइएको छ :
|
योजना |
व्यक्तिगत |
संस्थागत |
रेमिटेन्स |
| २ गुणा (2x) | ६ वर्ष ४ महिना २५ दिन | ७ वर्ष २ महिना २७ दिन | ५ वर्ष १० महिना १४ दिन |
| ३ गुणा (3x) | १० वर्ष २ महिना १४ दिन | ११ वर्ष ८ महिना ९ दिन | ९ वर्ष ४ महिना १० दिन |
| ४ गुणा (4x) | १२ वर्ष ११ महिना २ दिन | १४ वर्ष १० महिना २९ दिन | ११ वर्ष १० महिना ७ दिन |
| ५ गुणा (5x) | १५ वर्ष ० महिना १३ दिन | १७ वर्ष ५ महिना ९ दिन | १३ वर्ष ९ महिना १५ दिन |
| ६ गुणा (6x) | १६ वर्ष ९ महिना ६ दिन | १९ वर्ष ६ महिना ७ दिन | १५ वर्ष ४ महिना १७ दिन |
| ७ गुणा (7x) | १८ वर्ष २ महिना २४ दिन | २१ वर्ष ३ महिना १३ दिन | १६ वर्ष ८ महिना २१ दिन |
| ८ गुणा (8x) | १९ वर्ष ६ महिना १ दिन | २२ वर्ष ९ महिना २६ दिन | १७ वर्ष १० महिना २० दिन |
| ९ गुणा (9x) | २० वर्ष ७ महिना १५ दिन | २४ वर्ष २ महिना ५ दिन | १८ वर्ष ११ महिना १ दिन |
| १० गुणा (10x) | २१ वर्ष ७ महिना १७ दिन | २५ वर्ष ४ महिना २३ दिन | १९ वर्ष १० महिना २ दिन |
यसअघि बैंकको ५ वर्षसम्म कुल रु. ८४ लाख सम्मको बीमा सुनिश्चित गर्ने अतुलनिय फाइदाहरूसँगै सर्वाधिक उच्च ब्याजदर, तीन बीमा सम्बन्धी सर्वश्रेष्ठ फाइदाहरू, तीन कर्जा सम्बन्धी फाइदाहरू र १८ अन्य अतुलनीय सर्वश्रेष्ठ फाइदाहरू गरी कुल २४ सर्वश्रेष्ठ फाइदाहरू रहेको ‘सर्वश्रेष्ठ बचत खाता’ योजना सञ्चालनमा ग्राहकहरूको अत्यन्त उत्साहजनक सहभागिता रहि आएको बैंकले जनाएको छ ।
बैंकलाई आम जनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा यो बैंक मुलुकभर रहेका ३५९ शाखा कार्यालयहरू, ४७३ एटिएम, १०२ वटा विस्तारित काउन्टर एवं ८१ वटा शाखा रहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन पुगेको छ ।
देशको कुल जनसंख्या मध्ये २० वर्ष देखि ५० वर्ष उमेर समूहसम्मको आर्थिक रूपमा सक्रिय जनसंख्याको करिब २५% जनतालाई एनआईसी एसिया बैंकमार्फत सेवा दिन बैंक सफल भएको बताइएको छ । उत्तरदायी बैंकिङ्गको अभ्यास गर्दै आएको एनआईसी एसिया बैंकले प्रत्यक्ष र अप्रत्यक्ष गरी गत आर्थिक वर्षमा करिब रू.३ अर्ब १६ करोड भन्दा बढी राजश्व नेपाल सरकारलाई भुक्तानी गरिसकेको बताइएको छ ।
जुन मुलुकको वाणिज्य बैंकहरूमध्ये दोस्रो धेरै एवं समग्र देशको अन्य कम्पनीहरूको तुलनामा छैठौं ठूलो योगदान रहेको छ । वित्तीय समावेशीकरणका लागि मुगु, कालिकोट, बझाङ, रूकुम, जुम्ला, सल्यान जस्ता बैंक तथा वित्तीय संस्थाहरूको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेको ३४ भन्दा बढी स्थानीय निकायहरूमा शाखा विस्तार गरी सञ्चालन गर्दै आइरहेको छ । देशको कुल जनसंख्याको ८०% भन्दा बढी बसोबास गर्ने ग्रामीण तथा साना सहरी क्षेत्रमा बैंकले आफ्ना ७२% शाखा कार्यालयहरू स्थापना गरेको छ ।
