काठमाडौं । नेपाली कांग्रेसका महामन्त्री गगनकुमार थापाले अर्थमन्त्रालयको सिसिटिभिको फुजेट मेटाउनेमाथि तत्काल प्रधानमन्त्रीले एक्सन लिनुपर्ने बताएका छन् ।
सोमबार संसद भवनमा सञ्चारकर्मीसंग कुरा गर्दै थापाले करको दायरामाथि हेरफेर गर्दा अनाधिकृत व्यक्तिलाई प्रवेश गराइएको बिषयमा गम्भीर चर्चा हुँदा पनि सिसिटिभिको फुजेट १३ दिनको मात्रै रहने अर्थमन्त्रालयको जवाफमाथि प्रधानमन्त्री तत्काल एक्सनमा जानुपर्ने बताएका हुन ।
उनले करको दायरा हेरफेरको बिषय उठेपछि अर्थमन्त्री (जनादर्शन शर्मा)ले तत्काल राजीनामा दिनुपर्ने वा प्रधानमन्त्री (शेरबहादुर देउवा) ले अर्थमन्त्रीलाई हटाएर छानविन गर्नुपर्ने धारणा राखेका छन् । संसदले पारित गरेको बजटेको करको बिषय सामान्य कुरा नभएको भन्दै उनले यसलाई छानविनबाटै निष्कर्षमा पुराउनुपर्ने बताएका छन् ।
उनले तीन महिनाको सिसिटिभिको फुजेट राख्नुपर्नेमा १३ दिनको मात्रै रहने अर्थमन्त्रालयको भनाइले अनेक प्रश्न उठ्न थालेको बताए ।